De Plattschnacker

Plattdüütsche Stammdisch in Derpmark

 

In Juli 2013 keem us de Idee een plattdüütschen Klönavend in`t Leven to roopen.

Wat för Tiele weern plaant?
Eenfach Platt snacken över düt un dat dormit wi un Annere in us Deerp Freid hebbt. Vördreeg, Geschichten, Leeder, Nee`t ut de Tiet un veeles mehr. Us Platt hägen un plägen, wassen laaten un dat jeedeen Platt lehren kann dat is uus Wunsch. Dat eerste Drepen würr de 27. August 2013 in Heimathuus . 22 Lüüd sünd to düssen eersten Avend dorbi wään. Intwischen sünd wi bi den`n 68. Stammdisch.

 

Aver nich nur plattdüütsche Avende maakt wi, nee, ok Kinner in de Derpmarke School waart in Platt ünnerricht. Alle 2 Johr is een Leeswettstriet op Kring-,  Bezirks- und Landesevende, eenige Kringmester hebbt wi mit uus Kinner ut Derpmark all wunnen. Dor heet dat: Kiek de Lüüd geern an, se freit sik, dat du dor büst un dat du lesen wullt. Du snackst so luut, dat di jeedeen hüren kann, du maakst an de rechte Steed ok maal een Paus. Ode kannst du een Överraschung inboun? Lees dien Geschicht luut vör un drück mit Liev un Hannen de Stimmung ut.
Jümmer ünner dat Teeken (LLD) luut - langsam - düütlich.

„Platt is wedder in“

Uus plattdüütsche Heimatavend is een bunten Avend för Jeedeen de gern Platt snackt un hüürt. Mit Gesangsvördräg, Sketche, Schööler leest Plattdüütsch, Geschichten vun bekannten Autoren ut Radio un Fehrnsehen, Döntjes un Musik. Een Avend ton Freide hebben un Höögen. Plattdüütsche Gottesdeenste gifft dat an Erntedankfest un in de Plattdüütschen Weeken in Oktober. Kerkenföhrung up Platt na Afspraak mit Oskar Hein. Telf. 05163/ 854

 

In usen Landkring un in Derpmark wat noch Platt snackt, dat hüüt to`n Glück wedder pleegt un föddert warrt. För junge un ole Lüüd, ok wenn se Platt noch gor

nich so flott snackt, is doch uus Plattdüütsch wedder in Mood. Dat maakt mi Hapen.

 

PS. jüst heff ik in dat Dagblatt leest, de Lümborge Heide gewinnt den`n Filmpries

„Second Star“ as beste düütsche Region. Dat is doch een Anlaat ok in use Gegend dat Plattdüütsch to föddern. 

 

Jümmer de eerste Dingsdag im Maand is

Plattdüütsche Stammdisch

Oskar Hein

 

Un hier hebt wi en paar plattdüütsche Geschichten to'n lesen!

Druckversion | Sitemap
© Heimatverein für das Kirchspiel Dorfmark